My Lesson Plan

 

Kagawaran ng Edukasyon

Kawanihan ng Edukasyong Elementarya

Dibisyon ng Pampanga

Paaralang Elementarya ng Bacolor

Bulaon Resettlement, Lungsod ng  San Fernando Pampanga

September 16, 2011

Taong Pampaaralan: 2011-2012                                                                                                     BEED 4-A

Markahan: Ikalawang Markahan

Oras: 1:00-2:00

Banghay-Aralin

Pakitang Turo Sa Filipino (Pagbasa)

I.                    Layunin

·         Nasasabi  ang katangian ng tauhan batay sa kanilang paraan ng pagsasalita at pagkilos.

·         Naipapaliwanag ang kahulugan ng sinabi at ikinilos  ng tauhan.

·         Matanto ang kahalagahan ng pag-iimpok.

II.                  Paksang Aralin

·         Pagsasabi ng Katangian ng Tauhan

·         Pagpapaliwanag ng Kahulugan ng sinabi at ikinilos ng tauhan.

a.       Kwento: “Mag-impok Habang Maaga”

b.      Kagamitan: Larawan, plaskard, pocket chart

III.                Pamamaraan

Gawaing Guro

Gawaing Mag-aaral

A.     Panimulang Gawain 1.       Panimulang Dasal 2.       Pangaraw-araw na Gawain ·         Magandang umaga mga bata. 3.       Pampasigla Tumayo muna  tayo. Aawit tayo ng… Kung ikaw ay Masaya tumawa ka.. Kung ikaw ay masaya pumalakpak ka.. Kung ikaw ay Masaya pumadyak ka.. Kung ikaw ay Masaya, buhay mo ay sisigla, Kung ikaw ay Masaya Haha… B.      Pagganyak Bago tayo magsimula sa ating aralin ay await muna tayo. Aawitin natin ang “Maliliit na gagamba” Ibibigay ko ang himig pagkatapos ay susunod kayo. Maliliit na gagamba, Umakyat sa sanga. Dumating and ulan, Itinaboy sila. Sumikat ang araw, Natuyo ang sanga. Maliliit na gagamba Ay laging masaya. Magaling! (3 palakpak) Ngayon, tinggnan ang larawan, anong uri ng kulisap ang mga ito?                Tama! Anong nalalaman ninyo tungkol sa mga ito? Oo. Saan nakikita ang mga ito? Magaling! Saan naman nakikita ang mga Tipaklong? Magaling! Anong karaniwang kulay ng Langgam? Magaling! Ano naman ang kulay ng Tipaklong? Magaling!(3 palakpak) C.      Talasalitaan a.       Nilalamig Isasakilos ko ang salitang ito at sabihin naman ninyo ang kahulugan. Brr! Ang lakas ng hangin at ulan. Nilalamig ako. b.      Maganda ang panahon Ang larawang ito ay nagpapakitang maganda ang panahon. 1.       Umaaraw 2.       Bumabagyo 3.       Umuulan 4.       Bumabaha c.       Hindi sapat Hindi sapat ang baon kong dalawang piso. Kulang pa itong pambili ng lapis. Alin ang kasingkahulugan ng hindi sapat? d.      Mag-impok Magtipid at mag-impok. Huwag gastahin ang lahat ng inyong pera. Alin naman ang kasalungat ng mag-impok? e.      Tutularan Mabait at magalang si Jose. Tutularan ko siya. a.       Aawayin b.      Gagayahin c.       Tutuksuhin d.      Hahamakin Napakagaling! (3 palakpak) D.     Panlinang na Gawain 1.      Paglalahad Ngayon mga bata, may babasahin tayong kwento. Ihanda ang inyong mga kopya. An pamagat ng ating kwento ay  “Mag-impok Habang Maaga” Mag-Impok Habang Maaga Rises. Maraming batang bumibili sa tindahan ng paaralan. Mely:     “May nabili ka na bang pagkain, Linda?” tanong niya na kararating lamang.                “Bakit iyan lang ang nabili mo? Gutom na gutom na ako. Kulang sa akin ang dalawang softdrinks. Bibili ako ng hotcake at saging. Bibili na rin ako ng kakain ko paglabas ng klase.” Wika niya at nagmamadaling sinabi sa tinder ang mga bibilhing pagkain. Linda:     “Makakain mo bang lahat iyan? Bakit hindi mo tipunin ang baon mo para may maipon ka.” Mely:     “Bakit ako magtitipid, makakahingi naman ako sa amin kahit anong oras.” sagot niya habang patuloy sa pagkain. Linda:     “Ikaw rin baka matulad ka sa ikinuwento ng lola ko tungkol sa langgam at Tipaklong.” wikang nagbibiro. Mely:     “Ikuwento mo nga sa akin.” sagot niya. Linda:     “Makinig kang mabuti at pagkatapos ng kwento ko ay sabihin mo sa akin kung sino ang tutularan mo, ang langgam ba o ang tipaklong.”                 May magkaibigang Langgam at Tipaklong. Isang araw, nakita ni Tipaklong na abala sa paghahakot ng pagkain si Langgam. Tipaklong:     “Kaibigang Langgam, tama na muna iyan. Halikang mamasyal.” yaya niya. Langgam:     “Hindi pa sapat ang naiipon kong pagkain para sa tag-ulan. Ikaw na lamang ang mamasyal.” tanggi niya. Tipaklong:     “Malayo pa naman ang tag-ulan. Saka na tayo maghakot ng pagkain pag malapit na ang tag-ulan. Halika, maglaro tayo, maganda ang panahon,” yaya pa rin niya. Langgam:     “Tatapusin ko muna ang ginagawa ko. Mahirap ng manguha ng pagkain kapag umuulan na. Ikaw na lang ang maglaro,” hindi na mapilit na sagot niya. Tipaklong:     “Diyan ka na nga. Maghahanap na lang ako ng ibang kalaro,” at umalis na si Tipaklong at nakipaglaro sa ibang kaibigan.                 Dumaan ang mga araw. Patuloy sa pagtitipon ng pagkain si Langgam. Patuloy rin sa pamamasyal at paglalaro si Tipaklong. Dumating ang tag-ulan. Tahimik na kumakain sa kanyang bahay. Samantalang si Tipaklong ay nilalamig  at nagugutom. Hindi siya nakatiis at tinawag ang kaibigan. Tipaklong:     “Kaibigang langgam, pahingi naman ng iyong pagkain,” nagmamakaawang  tawag niya. Langgam:     “Narito, kaibigan, ang kaunting pagkain. Sana nag-ipon ka rin  tulad ko noong tag-araw. Hindi ka magkukulang sa pagkain tulad ngayon,” wika niya na naawa sa kaibigan.                 Hiyang-hiyang tinanggap ni Tipaklong ang kaunting pagkain at nagpaalam sa kaibigan.                 Natapos na ang kwento ni Linda ay nag-iisip pa rin si Mely. Linda:     “O, Mely, sino sa dalawa ang tutularan mo?” tanong niya na nakangiti sa kaibigan. Naintindihan ba ninyo mga bata? Ngayon, basahin pakibasa nga Kesiah?            2.  Pagtatalakay Mga Tanong Pang-unawa 1.       Sino ang magkaibigan sa kwento ni Linda? 2.       Ano ang ginagawa ni Langgam? Anong katangian niya? 3.       Ano naman ang ginagawa ni Tipaklong? Anong katangian ang ipinapakita niya? 4.       Saan niya niyaya ni Tipaklong si Langgam? Anong katangian ang ipinakikita ni Tipaklong dito? 5.       Pumayag ba si Langgam na makipaglaro? Bakit? Anong katangian ang ipinakita ni Langgam dito? 6.       Nang dumating ang tag-ulan, anong nangyari kay Langgam? Nasaan siya? Ano naman ang nangyari kay Tipaklong? 7.       Anong naman ang ginawa ni Tipaklong ng siya’y gutom na gutom? 8.       Bakit kay Langgam siya humingi ng pagkain? 9.       Tinulungan ba siya ni Langgam? Bakit? 10.   Kung ikaw si Tipaklong, hihingi ka rin ba ng tulong kay Langgam? Bakit? 11.   Kung ikaw si Langgam, tutulungan mo rin ba si Tipaklong? Bakit? 12.   Sa palagay mo, ano kaya ang maaring nangyari kay Tipaklong kung hindi siya tinulungan ni Langgam? 13.   Sa susunod, ano sa palagay mo ang gagawin ni Tipaklong bago dumating ang tag-ulan? Bakit? 14.   Kung ikaw ang nasa lugar niya, ano ang gagawin mo? Bakit?                                     Napakagaling ! 3.      Pagsasanay Narito ngayon ang mga katangian nina Langgam at Tipaklong. Basahin natin. Pagkatapos, pagtapatin kung alin ang katangian ni Langgam at ni Tipaklong. Ilagay sa ibaba. LANGGAM                    TIPAKLONG 4.      Paglalahat Sino sa dalawa ang nais mong tularan? Bakit? Nakatulong ba kay Langgam ang pag-iimpok? Bakit ayaw ninyong matulad kay Tipaklong? E.      Pagpapahalaga 1.       Anong aral ang napulot ninyo sa kwento? Tama mga bata, dapat ninyong tularan si Langgam na masipag at kaagad iniisip ang kinabukasan upang pagdating ng panahon may aanihin kang pagkain. 2.       Ano ang dapat gawin habang maaga? Magaling! 3.       Bakit dapat tayong mah-impok? Tama mga bata. Kailangan habang maaga nag-iimpok na kayo at kahit bata ka pa lamang magagawa mo rin iyon. Kaya Mag-impok Habang Maaga ! IV.               Pagtataya Basahin ang sumusunod na sitwasyon. Piliin ang titik ng paliwanag sa sinabi ng tauhan.                 Sitawasyon;                 Isang magaling na mag-aaral si Randy. Nalalapit na naman ang periodical test  nila.                 “Kailangang mag-aral akong mabuti nang makuha ko ang unang puwesto,” wika ni randy. “Matutuwa si ama kapag pumanhik ako sa entablado para sabitan ng medalya.”                 “Randy , nariyan ka pala,” wika ni Alden na nagbibisikleta. “Halika, mamisekleta tayo roon sa plasa.”                 “Sige na Alden,” sagot ni Randy. “Marami pa akong pag-aaralan. Hayaan mo’ sa bakasyon ay palagi na tayong mamimisekleta.”                 “Simulan mo ngayon,” wika uli ni Alden. “Magaling ka naman. Kayang-kaya mo na ang test.”                 “Huwag, Alden. Kahit magaling ang isang mag-aaral ay kailangang ugaliin niya ang palaging pag-aaral.”                 “Ikaw na nga ang bahala,” galit na wika ni Alden. “Diyan ka na nga.” 1.       Bakit kailangang mag-aaral na mabuti ni Randy? a.       Upang siya ay makapasa. b.      Upang makuha ng unang karangalan. c.       Upang makatapos siya ng pag-aaral. 2.       Bakit sinabi ni Alden na kailangan ngayon na mamisikleta ni Randy? a.       Upang mayroon siyang kasama. b.      Upang hindi makapag-aral si Randy. c.       Upang makapag-aral din si Alden. 3.       Bakit daw kailangang mag-aaral pa rin ang bata kahit magaling na siya? a.       Upang palagi siyang makatapos ng pag-aaral. b.      Upang maging ugali niya ang pag-aaral. c.       Upang hindi niya malimutan ang leksyon. 4.       Bakit nasabi ni Alden na, “bahala ka na nga?” a.       Dahil nagmamadali na siya. b.      Dahil siya ay nainip na. c.       Dahil galit na siya. Mga Tamang Sagot 1.       B 2.       A 3.       B 4.       C V.                 Kasunduan 1.       Sino ang matalik mong kaibigan? 2.       Sumulat ng limang katangian niya.	Magandang umaga din po. (tatayo sila) Haha… Palakpak… Padyak… Opo. (aawit ang mga bata) Maliliit na gagamba, Umakyat sa sanga. Dumating and ulan, Itinaboy sila. Sumikat ang araw, Natuyo ang sanga. Maliliit na gagamba Ay laging masaya. Langgam at Tipaklong po. Ang langgam ay nangangagat at ang tipaklong ay palukso-lukso po. Nakikita po sa halaman. Nakikita po sa bahay. Gumagapang sa lupa. Sa pagkain po. Sa mga halaman po. Sa mga damuhan po. Sa mga dahon po. Ang kulay ng Langgam ay pula. Ang kulay ng Langgam ay itim. Ang kulay ng Tipaklong ay berde. Nilalamig po kayo. Umaaraw po. Kulang po. Gastador po. Gagayahin po. Opo. (ihahanda ang mga kopya sa kwento) Opo. (babasahin ni Kesiah ang kwento.) Sina langgam at tipaklong po. Naghahanap ng pagkain. Masipag, matiyaga, mapaglaro Naglalaro po siya. Mapaglaro, masayahin, malikot Mamasyal kung saan-saan. Tamad, pabaya, mapagwalang bahala, mapilit Hindi po. Dahil gusto muna niyang mag-ipon. Masikap si Langgam. Tahimik na kumakain sa kanyang bahay. Nagugutom at nilalamig dahil wala siyang naipon na pagkain. Humingi ng pagkain kay Langgam. Dahil kaibigan niya si Langgam. Opo. Dahil kaibigan niya si Tipaklong at dahil naawa siya sa kanya. Opo. Dahil nagugutom na ako at wala akong makain. Opo. Dahil nakikita ko siyang giniginaw at nagugutom. Maaring mamatay siya sa gutom. Mag-iipon ng pagkain dahil naranasan na niyang magutom. Magsisikap na siya sa susunod. Maghahanap ng pagkain. Magsisikap at mag-iipon. Mapaglaro            mabait Masipag                mapagwalang bahala Masayahin            maawain Matiyaga              pabaya Malikot                 mapilit Matulungin          mapagmahal Tamad                   masikap                       LANGGAM              TIPAKLONG Masipag                   mapaglaro Masikap                   masayahin Matiyaga                 malikot Matulungin             tamad Mabait                     mapagwalang-bahala Maawain                 pabaya Mapagmahal          mapilit Si Langgam po. Dahil masipag at masikap. Opo. Dahil pabaya at tamad siya. Ang pagiging masikap at masipag habang maaga. Dapat tayong mag-impok habang maaga. Upang sa huli may mapagkukunan tayong pagkain.